Tryggleik og personvern
Kvar dataa ligg og kven som kan sjå dei
Kvar Målfrid lagrar dataa til kommunen, kven som har tilgang til dei, og kor lenge dei blir tekne vare på i kvar dataklasse.
Fire dataklassar
Du vel klasse for kvar samtale. Ho avgjer kva for modellar som kan svare, korleis innhaldet blir lagra og når det blir sletta. Kommunen kan stramme inn, og ei overordna eining kan låse valet for alle under seg.
| Klasse | Døme | Modellar som kan brukast (standard) | Lagring | Sletting |
|---|---|---|---|---|
| Open | Offentlege dokument, møtebøker | Alle leverandørar kommunen har slått på | Standard | 24 månader |
| Intern | Interne notat, utkast | Alle leverandørar kommunen har slått på | Standard | 12 månader |
| Konfidensiell | Teieplikt (§ 13), personalsaker | Europeiske leverandørar som standard, andre viss kommunen slår dei på | Kryptert felt for felt | 90 dagar eller journalført |
| Personopplysningar | Personopplysningar om innbyggjarar | Europeiske leverandørar som standard, andre viss kommunen slår dei på | Kryptert felt for felt | 30 dagar eller journalført |
Modellane og leverandørane er skildra på sida om modellar og leverandørar. Svarar ikkje leverandøren, prøver Målfrid berre modellar som er tillatne for dataklassen i samtalen og har minst like strenge vilkår.
Tekniske tiltak
Tofaktorautentisering
Tilsette loggar inn med Entra ID til kommunen. Alle dataklassar krev tofaktorautentisering, og Målfrid sjekkar at det faktisk er brukt.
Tryggleiksnøkkel for sensitive data
For konfidensielt innhald og personopplysningar blir det kravd tryggleiksnøkkel eller Windows Hello. Personopplysningar krev ny innlogging etter 8 timar.
Logg som ikkje kan endrast
Målfrid kan leggje til nye liner i loggen, men ikkje endre eller slette gamle. Alle administratorhandlingar blir logga, også endringar i reglar som blir arva nedover.
Data frå kvar kommune for seg
Data frå kvar kommune er skilde frå dei andre i databasen. Innsyn går aldri på tvers av kommunar, heller ikkje for administratoren i eit IKT-samarbeid.
Data i EU/EØS
All lagring og behandling skjer i EU/EØS. Regionen blir logga for kvar melding.
Ingen trening på kundedata
Det er avtalt med alle leverandørar, og er eit krav før ein leverandør kan slåast på.
DPIA og ROS følgjer produktet
Vi leverer ein mal for databehandlaravtale og utfylte utkast til DPIA og ROS, med liste over leverandørane. Utkasta blir oppdaterte når produktet endrar seg.
Kommunen kan byggje vidare på dokumenta i si eiga vurdering i staden for å starte på blankt ark.
Rammeverk vi følgjer
NSM sine grunnprinsipp for IKT-tryggleik
Grunnprinsippa er sjekklista vi måler utviklinga mot.
KI-forordninga
Register over assistentar med formål og risikoklasse, dokumentert menneskeleg kontroll, og logging som støttar krava i artikkel 12 og 26 for den som set systemet i drift.
Dokumentasjon for personvernombod og IT
Sida om personvern og etterleving har eit døme på loggeksport, dataflyten for kvar dataklasse, lista over underdatabehandlarar og alle dokumenta, og viser korleis de kan kontrollere det vi seier om tryggleik og personvern.
Bli med i pilotgruppa
Vi set opp tenesta for kommunen, dei første kunnskapsbasane og dei assistentane de treng først. Send oss kommunenamn og innbyggartal, så tek vi kontakt for å avtale ein prat.